هذه قصيدة بندر بن سرور ينصح احدى البنات بالزواااج بالرجل المحافظ على الصلاة
يابنت عيفي واحدٍ ما يصلي
واقلبى اللي تله الــود تـلـي=تل الرشا من فـوق ملحـا جلالـه
في غربها تسعين فـري ومشلـي=وتجفل اليا سمعت ضريس المحاله
من واحـدٍ طـرق عليـه يهلـي=جدد جروح القلب مع ما جرى لـه
برمش العيون اللي هدبهن مظلـي=ضافٍ على بيض المحاجر ضلاله
يابنت عيفي واحدٍ ما يصلي=تارك عمود الديـن مالـك ومالـه
عيفيه لو يفرش لك البيـت زلـي=من لا يخـاف الله حـرامٍ حلالـه
خلـي ملعـن والديـنـه يـولـي=تلقين فـي نجـد المسمـى بدالـه
وعليـك باللـي للجماعـه يهلـي=اللي كمـا النبـوة منـارة دلالـه
بالرجـل ثنتيـنٍ حداهـن يدلـي=من كبهن ماهـوب ويـا الرجالـه
وان كان مابه دين مع زيـن دلـي=جعله مـن الدنيـا تقطـع حبالـه
